माझी टाळी

त्या गडगडाटात टाळ्यांच्या
माझी डळमळीत टाळी ही
तीचा आवाज मी आणि आसपास
कुणीही ऎकला नाही
या न थांबणारया वेळेनं
मला अनंत संधी दिली
कधी विचार मी केला नाही
कधी कॄती ती झाली नाही
अजून आवलोकन करतोय म्हटलं
विश्लेशण करतोय म्हटलं
ऎकताना हॄदयाचे ठोके
आवाज सेकंद काट्याचा ऎकला नाही
कधी मलाच आलेले उत्तर
उभा राहून देऊ शकलो नाही
कधी मनात आलीच शंका
तर मी प्रश्न विचारला नाही
जागा पटकाविण्यासाठी
या ‘मी’ म्हणणारया गर्दीत
मी कुणास ढकलले नाही
त्यातून बाहेरही पडलो नाही
काळाने विचारलेल्या प्रश्नांना
मी डळमळीत उत्तरे दिली
पण कधी आभ्यास केला नाही
‘करू’ म्हणणंही सोडलं नाही
असंख्य हात असले जरी
ह्या इतक्या विशाल जगात
पण माझ्यासाठी ना कधी
एक टाळी वाजली नाही

-रोहन जगताप